Barnamyndatökur

Að mynda og ná góðum tengslum við krakka er oft á tíðum ómetanlegt. Ég er oft spurður hver er besti tíminn til að mynda börn og okkar reynsla er sú að það er best eftir svefntímann eða á þeirri stund dagsins sem barnið er hvað fjörugast eða skemmtilegast. Gaman er að hafa líka föt til skiptana t.d. gallabuxur og hlýrabol, stóra hatta, háhæluðu skóna hennar ömmu og persónulega hluti sem tengjast barninu svo sem hálsfestar og skraut. Hugmyndaflugið er nánast ótakmarkað en hægt er að gera myndatökuna að sinni með því að gera hana persónulega með sínu dóti. En fallegustu myndirnar eru alltaf þegar krakkarnir fá að njóta sín.

Brúðarmyndataka

Brúðkaupsdagurinn er einhver sá yndislegasti tími sem við upplifum. Með fallegum myndum og góðu innsæi getum við látið þennan dag verða ógleymanlegan.

Brúðkaupsdagurinn er oft á tíðum sá eftirminnarlegasti dagur hjá tilvonandi hjónum og mælum við með að bóka ljósmyndara með góðum fyrirvara. Gott er að hitta brúðhjón og fá hjá þeim nánari upplýsingar um athöfnina og hvaða óskir brúðhjóna eru til að gera þennan dag enn ánægulegri þegar fram líða stundir.

Stúdentamyndatökur

Stúdentar koma til okkar á útskriftardaginn sjálfan eða þann dag sem hentar best. Útskriftarnemar geta líka komið með besta vininn eða vinkonu með sér sem hafa verið t.d. saman í skólagöngu. Foreldrar, systkini  eða jafnvel gæludýr eru einnig velkomin með .

Fermingarmyndir

Fermingarmyndir hafa tekið miklum breytingum frá því sem áður var. Þær hafa orðið mun frjálslegri og fólk fengið að leika sér meira í töku en áður var. Oft er gaman að taka áhugamálið með í myndatökuna og gildir einu hve stórt það er. Það er alltaf hægt að tengja áhugamálin inní myndatökuna. t.d. hestar þá er hægt að taka með reiðbuxurnar og pískinn og/eða hnakkinn.

Kirtlamyndir eru enn teknar og er oft gaman að bera þær saman við kirtlamyndir af mömmu og pabba á sama aldri. Við reynum alltaf að fá það besta fram hjá hverjum og einum og spilum þettta með viðkomandi fermingarbarni. Hugmyndirnar eru ykkar, við útfærum þær fyrir ykkur.

Sumarmyndir

Sumarið okkar er tíminn sem við erum mest úti við og ljósið og birtan eru upp á sitt besta. Krakkarnir eru rjóð og útitekinn enda er þetta frábær tími fyrir fjölskyldur að hittast saman og tilvalið að fá góða hópmynd eða skemmtilegar nærmyndir af fjölskyldumeðlimum í leiðinni, tekna í garðinum þínum, sumarhúsinu eða við nánasta nágrenni.
Sumarið býður upp á margar útgáfur af myndatökum í allsskonar veðri, sól sem rigningu.
Leyfðu okkur að festa niður ljúfar sumar minningar ykkar.

Hver myndatakan tekur um 10-90 mín eftir því hvaða tilboð er valið. Svo eru myndirnar grófunnar, settar í lit, brúntóna eða svarthvítt eftir því hvað við á. Myndirnar eru síðan settar á netið þar sem þú/þið veljið þær myndir sem þið viljið í rólegheitunum. 

Senda fyrirspurn

Bóka myndatöku